ان خوابوں کو کبھی نظر انداز نہیں کریں

ان خوابوں کو کبھی نظر انداز نہیں کریں
ہفتہ‬‮ 1 دسمبر‬‮ 2018 | 9:59
خواب ہر کسی کو آتے ہیں اور ہر کوئی جاننا چاہتا ہے کہ ان خوابوں کی کیا تعبیر ہوتی ہے؟ ہر کسی کے خواب کا مطلب مختلف ہوتا ہے۔ماہرین کا کہنا ہے کہ خوابوں کے پیچھے ایک پوری سائنس ہوتی ہے۔ ماہرین کا کہنا ہے کہ جس طرح جاگتے ہوئے ہم ہر چیز کو دیکھتے اور محسوس کرتے ہیں ، خواب بھی ایسے ہی ہوتے ہیں ۔ماہرین کا

کہنا ہے کہ اکثر خواب ہمارے دن بھر کی چیزوں سے متعلق ہی ہوتے ہیں یا جو چیزیں ہمارے دماغ میں زیادہ گردش کررہی ہوتی ہیں، انہی سے متعلق

ہمیں خواب آتے ہیں۔کچھ ایسے خواب ہیں ، جوکہ تقریباً ہر کسی کو آتے ہیں، وہ کون سے خواب ہیں؟ اور ان کا کیا مطلب ہے؟ وہ درج ذیل ہے:٭ اُڑناخواب میں اُڑنا اس بات کی نشاندہی کرتا ہے کہ آپ کسی مقصد پر پہنچانا چاہتے ہیں۔ اس طرح کے خواب سے انسان بہت فریش اور ری چارجڈ اٹھتا ہے۔

اس طرح کے خوابوں سے آزادی اور کچھ کرنے کی امیدآپ کے اندر بیدار ہوجاتی ہے۔٭ پانی کا بہناجب ہمیں خواب میں پانی آتا ہے تو یہ ہمارے احساسات کو بیا ن کرتا ہے۔ پانی پاکیزگی اور شفافیت کو بیان کرتا ہے۔ یہ ہماری زندگی میں ہونے والے نئے واقعات کو بیان کرتا ہے ۔٭ دانتاکثر لوگوں کو خواب میں دانت نظر آتے ہیں۔ دانت کا ٹوٹنا اس بات کو واضح کرتا ہے کہ کوئی چیز آپ کی زندگی سے باہر جانے والی ہے۔

خراب دانتوں کا خواب میں آنا ڈر اور خوف کو بیان کرتا ہے۔٭موتخواب میں کسی کی یا خود کی وفات ہر کوئی دیکھتا ہے۔ موت کا خواب آنا کسی چیز کے ختم ہونے کی علامت ہوتا ہے۔ موت کو خواب میں دیکھنے سے مراد آپ اپنے اندر سے آنا ختم کرنے والے ہیں یا آپ کو کوئی خوف یا ڈر لاحق ہے ، وہ آُ کی زندگی سے نکلنے والا ہے۔٭گھرخواب میں گھر دیکھنا انسان کی شخصیت کے پہلوؤں کو بیان کرتا ہے۔

گھر کے مختلف کمروں کو خواب میں دیکھنے کے الگ مطلب ہوتے ہیں، جیسے اگر کسی کو خواب میں اسٹور روم نظر آیا ہے تو اس سے مراد آپ کو اپنی پرانے واقعات یاد آرہے ہیں۔٭ پیسےپیسوں کا خواب میں آنا قسمت کو بیان کرتا ہے۔ اگر آپ نے خواب میں لوٹری دیکھی ہے کہ تو اس کا مطلب آپ کا لائف اسٹائل بالکل تبدیل ہونے والا ہے اور خواب میں کسی کو پیسے دینا کوئی خوف ختم ہونے کو بیان کرتا ہے۔

٭آگآگ کو خواب میں دیکھنا مختلف باتوں کو بیان کرتا ہے۔ مثال کے طور پر اگر آپ نے خواب میں آگ کو فاصلے پر دیکھا ہے کہ آپ کے اندر کئی خواہشات موجود ہیں، جن کو آپ حاصل کرنا چاہتے ہیں۔ اگر آپ نے خواب میں خود کو آگ سے کھیلتے ہوئے دیکھا ہے تو یہ آپ کے لیے ایک طرح کی وارننگ ہے۔نوٹ: یہ مضمون محض عام معلومات عامہ کےلیے ہے

انسانیت ابھی زندہ ہے

انسانیت ابھی زندہ ہے
ہفتہ‬‮ 1 دسمبر‬‮ 2018 | 9:47
یہ اُن دنوں کا واقعہ ہے، جب میں مردم شماری کی ایک ٹیم کے ساتھ اسلام آباد کے مختلف علاقوں میں ڈیوٹی سرانجام دے رہا تھا۔ میرے ساتھ عملے کے متعلقہ لوگ بھی ہوتے تھے، تاہم بعض اوقات اندراج کا کام مَیں اکیلے بھی کرلیا کرتا تھا۔ اسی دوران میری ڈیوٹی ’’بازارِ حُسن‘‘ میں لگ گئی، جہاں آج بھی ’’بلبل ہزار داستان‘‘ کے نام

سے بلڈنگ قائم ہے۔ آفس کی طرف سے دی گئی ہدایات کے مطابق میں گھر میں مقیم لوگوں کی پہلے شناخت کرتا تھا کہ وہ رجسٹرڈ ہیں یا نہیں۔ اگر رجسٹرڈ افراد کے علاوہ

کوئی دوسرے اس گھر میں موجود ہوتے، تو میں اُن سے پوچھ گچھ کرتا کہ پہلے رہایشی کدھر گئے، وغیرہ وغیرہ۔ سروے کے دوران میں نے ایک گھر پر دستک دی، مگر کافی دیر تک جب کوئی باہر نہ نکلا، تو جھنجھلا کر دوبارہ زور سے دستک دی۔

کچھ دیر بعد ایک نو دس سالہ بچّی نے دروازہ کھولا اور مجھے دیکھ کر رٹے رٹائے توتے کی طرح کہنے لگی، ’’ہم وہ نہیں ہیں، جو آپ سمجھ رہے ہیں۔‘‘ میں نے حیرانی سے اس بچّی کو دیکھا اور شفقت بھرے لہجے میں کہا ’’بیٹا! مَیں بھی وہ نہیں ہوں، جو آپ سمجھ رہی ہیں، میں ایک سرکاری ملازم ہوں اور مردم شماری کے سلسلے میں آیا ہوں، گھر کے کسی بڑے کو باہر بھیجیں۔‘‘بچّی کچھ سمجھی یا نہ سمجھی، مگر دوڑ کر اندر چلی گئی۔ چند منٹ بعد ایک سہمی ہوئی خاتون دروازے پر نمودار ہوئیں،

میں نے شائستگی سے سلام کیا، اور اپنے آنے کا مقصد بتایا، تو اُن کے چہرے پر اطمینان سا پھیل گیا۔ کہنے لگیں، ’’آپ اندر آجائیے، ورنہ ابھی یہاں بھیڑ لگ جائے گی۔‘‘ میں جھجکتا ہوا اندر چلا گیا۔ نہایت سادہ سا کمرا تھا، خاتون بھی بازارِ حُسن کی نہیں لگتی تھیں، جب میں نے اُن کے گھر کے افراد کی تفصیل مانگی، تو کہنے لگیں، ’’بھائی! مجھے یہاں آئے ہوئے دو سال ہی ہوئے ہیں، اس سے پہلے اس گھر میں کون مقیم تھا، مجھے معلوم نہیں، اگر چاہیں، تو میں ایک عورت کا نام بتادیتی ہوں، آپ یہ معلومات اُن سے حاصل کرسکتے ہیں، لیکن میرے لیے کوئی ایسی مشکل کھڑی نہ ہوجائے کہ یہ ٹھکانہ بھی مجھ سے چھن جائے۔‘‘

میں نے تجسّس سے پوچھا ’’کیا یہ گھر آپ نے کرایے پر لیا ہوا ہے۔‘‘ اس خاتون نے جس کی عمر لگ بھگ پینتیس سال ہوگی، ایک ٹھنڈی سانس بھری اور کہنے لگیں، ’’میں آپ کو ساری حقیقت بتائے دیتی ہوں، کیوں کہ آپ مجھے بھلے مانس انسان لگ رہے ہیں۔ میں ایک کھاتے پیتے اور عزت دار گھرانے سے تعلق رکھتی ہوں، والدین کا میرے بچپن ہی میں انتقال ہوگیا، میرے چچا بے اولاد تھے، انہوں نے میری پرورش کی، وہ سخت مزاج آدمی تھے، چچی بھی اُن سے ڈری سہمی رہتی تھیں۔ میں پانچویں کلاس کے بعد آگے پڑھنا چاہتی تھی، مگرچچا نے اجازت نہیں دی، چچی اچھی خاتون تھیں،

انہوں نے چچا کو قائل کرنے کی بہت کوشش کی، مگر وہ نہ مانے اور پندرہ سال کی عمر میں، میری شادی ایک خوش حال گھرانے میں کردی۔ شادی کے بعد زندگی اچھی گزرنے لگی۔ چار بچّے ہوئے، اس دوران میرے چچا اور چچی، حج پرگئے، تو ٹریفک کے ایک حادثے میں ان کا انتقال ہوگیا۔ میکے میں اب میرا کوئی نہیں رہا تھا۔ سسرال بھرا پُرا تھا، سب کا مشترکہ کاروبار تھا۔ میرے بچّے اچھے اسکول میں زیرِتعلیم تھے کہ قدرت نے ایک بار پھر میرا امتحان لیا۔ میرے شوہر کو پھیپھڑوں کا کینسر ہوگیا اور ایک سال کے اندر ہی وہ ہم سب کو روتا چھوڑ گئے۔

شوہر کے انتقال کے بعد سسرال والوں نے کچھ عرصے تو بچّوں کی ناز برداریاں کیں۔ میرا بھی خیال رکھا، اس دوران بہانے بہانے سے مجھ سے مختلف دستاویزات پر دستخط کرواتے رہے، پھر ایک دن مجھے بلاکر کہا کہ ’’اپنے بچّوں کو لے کر یہاں سے چلی جائو، کیوں کہ تمہارا شوہر، تم لوگوں کے نام کچھ چھوڑ کرنہیں گیا، ہم تمہارا اور بچّوں کا خرچہ زیادہ دنوں تک برداشت نہیں کرسکتے۔‘‘ یہ سنتے ہی مجھ پر آسمان ٹوٹ پڑا، کافی واویلا کیا، منتّیں، ترلے بھی کرلیے۔

ان کے دیگر رشتے داروں کو بیچ میں ڈالا، تو انہوں نے بتایا کہ ’’تم نے جن دستاویزات پردستخط کیے تھے، اس کی رُو سے تمہارا حصّہ وہ تمہیں دے چکے۔‘‘ میں اَن پڑھ تھی، ان کی چالیں میری سمجھ میں کیسے آسکتی تھیں۔ اور پھر ایک روز بچّوں کی آپس کی لڑائی کا بہانہ کرکے انہوں نے صبح ہی صبح بچّوں سمیت مجھے گھر سے نکال دیا۔ میرے شوہر کے ایک دوست اس علاقے سے دو تین کلو میٹر دُور رہتے تھے، میں نے رکشا پکڑا اور انہیں اپنی بپتا سنانے ان کے گھر جاپہنچی۔

ان کی بیوی، میرے شوہر کے انتقال پر گھر آئی تھیں، اور کہا تھا کہ کوئی پریشانی ہو، تو ضرور بتانا، اسی تسلّی اور آس پر ان کے گھر گئی تھی، لیکن وہاں پہنچ کر پتا چلا کہ وہ لوگ چھے ماہ پہلے کراچی شفٹ ہوگئے ہیں۔ یہ سنتے ہی آنکھوں تلے اندھیرا چھا گیا، چھوٹے بچّوں کا ساتھ تھا، چند سو روپے کے سوا اور کچھ نہیں تھا، بچوں کا پیٹ خالی تھا، انہیں چھولے چاٹ کھلا کرآگے چل پڑی، کچھ پتا نہیں تھا کہ کدھر جارہی ہوں، یہاں تک پہنچی، تو بچّے تھک چکے تھے، مجھ میں بھی ایک قدم بڑھانے کی سکت نہ رہی، تو ایک دیوار کا سہارا لے کر بیٹھ گئی۔ شام سر پرآگئی، لیکن مجھ میں اٹھنے کی ہمّت نہیں رہی تھی، بار بار رونا آرہا تھا، رات کہاں اور کیسے بسر کروں گی، بچّوں کو کب تک بھوکا رکھوں، وہ بے چارے بھی بے حد ڈر گئے تھے، کبھی روتے، کبھی کھیلنے لگتے۔

اسی اثناء میں ایک عورت میرے پاس آئی اور کہا ’’میں بہت دیر سے تمہیں اپنے گھر کی کھڑکی سے دیکھ رہی ہوں، شاید تم لوگوں نے صبح سے کچھ کھایا پیا بھی نہیں ہے، تم کہاں سے آئی ہو، کیا ساس نے گھر سے نکال دیا ہے؟‘‘میں نے اقرار میں سرہلادیا، کیوں کہ اب مجھے ہر حال میں رات گزارنے کے لیے کوئی ٹھکانہ درکار تھا۔ وہ کہنے لگی، ’’کچھ دیر بعد یہاں بہت بھیڑ ہوجائے گی، تم میرے ساتھ میرے گھر چلو، باقی باتیں وہیں ہوں گی۔‘‘ گھر پہنچ کر میں نے اسے پوری کہانی سنادی،

اس نے میرا ہاتھ منہ دھلوایا، بچّوں کو اورمجھے کھانا دیا اورخود باہر چلی گئی، کچھ دیر بعد آئی، تو اس کے ساتھ چند عورتیں بھی تھیں، جنہیں وہ میرے بارے میں سب کچھ بتاچکی تھی۔ سب نے باری باری مجھے گلے لگایا، تسلّیاں دیں، پھر ان میں سے ایک بڑی عمر کی خاتون نے کہا کہ ’’یہ بازارِ حُسن ہے، اگر تم رضامندہو، تو ہم تمہیں تحفّظ کے ساتھ پناہ بھی دیں گے، مگر تمہیں یہاں بڑی راز داری سے رہنا ہوگا، مبادا، تمہارے رشتے داروں کو بھنک پڑجائے اور تمہارے لیے مزید مشکلات بڑھ جائیں۔‘‘میرے پاس اورکوئی راستہ نہیں تھا، میں نے فوری طور پر ان کی پناہ میں رہنا قبول کرلیا۔

انہوں نے مجھے رہنے کے لیے نہ صرف اپنے گھر کے قریب یہ خالی گھر دیا، بلکہ میرا سارا خرچہ برداشت کرنے کی ذمّے داری بھی لے لی۔ ہر مہینے راشن کا سامان باقاعدگی سے ڈلواتی ہیں، بچّوں کی پڑھائی کا خرچہ اٹھارہی ہیں۔ ان کا کہنا ہے کہ ’’جب تک بچّے کچھ بڑے نہیں ہوجاتے، یہیں رہو۔‘‘ بچّی کے بارے میں خاص ہدایت کردی کہ ’’اسے فی الحال گھر سے باہر نہ نکلنے دو، کیوں کہ یہاں اچھے لوگ نہیں آتے، اس کے لیے ہم کسی ٹیچر کا بندوبست کروادیں گے

جو اسے گھر ہی میں تعلیم دے گی۔‘‘وہ دکھی خاتون دو سال سے بازارِ حُسن کی بدنام عورتوں کی بے لوث خفیہ مدد سے اُن ہی کے درمیان اپنے بچّوں کے ساتھ عزت دارانہ زندگی گزار رہی تھی۔ یہ داستان سن کرمیری آنکھیں بھرآئیں، مجھے ایسا لگا کہ میں کسی اور ہی دنیا میں پہنچ گیا ہوں۔ بلاشبہ، اس معاشرے میں ایسی خواتین بھی ہیں، دنیا جنہیں بدکردار کہتی ہیں، لیکن درحقیقت ان کے دلوں میں خدمتِ انسانیت کا جذبہ کوٹ کوٹ کربھرا ہوا ہے اور ان ہی جیسے لوگوں کی وجہ سے انسانیت ابھی زندہ ہے

داڑھی کے ایسے فوائد جنہیں پڑھ کر آپ بھی اسلام کی حقانیت کے قائل ہو جائیں گے

داڑھی کے ایسے فوائد جنہیں پڑھ کر آپ بھی اسلام کی حقانیت کے قائل ہو جائیں گے
پیر‬‮ 3 دسمبر‬‮ 2018 | 10:12
اگر آپ کسی بیماری کے خلاف کسی نئی اینٹی بایوٹک کی تلاش میں ہیں تو آغاز کہاں سے کریں گے؟ کسی دلدل سے؟ کسی ویران جزیرے سے؟اپنی داڑھی میں کنگھی پھیرنے کے بارے میں کیا خیال ہے؟بی بی سی کے پروگرام ’ٹرسٹ می آئی ایم اے ڈاکٹر میں ہم ایسے ہی کچھ تجربات کرتے ہیں جس میں بعض اوقات صحیح سائنس بھی

سامنے آ جاتی ہے۔مثال کے طور پر گذشتہ سیریز میں ہم نے یہ جانا کہ آپ پاستا پکانے، ٹھنڈا کرنے اور پھر دوبارہ گرم کرنے سے اس کے اندر موجود کیلوریز کم کر سکتے ہیں۔یہ

ایک خوشگوار نتیجہ تھا۔ لیکن ہماری حالیہ دریافت زیادہ اہم ہے، یعنی ایسے بیکٹریا کی دریافت جو اینٹی بایوٹک کا کام دیتے ہیں۔ اور اس سے بھی زیادہ اہم یہ ہے کہ یہ داڑھی میں پائے جاتے ہیں۔آپ نے دیکھا ہوگا کہ داڑھیاں عموماً کالی ہوتی ہیں۔ ٹھوڑی پر لکیر کی شکل میں، گلے پر داڑھی یا وین ڈائیک سٹائل کی۔محققین کے خیال میں شیو کرنے سے جلد پر خراش لگتی ہے

’جس سے بیکٹریا کی نشوونما میں مدد ملتی ہے‘بعض لوگوں کا کہنا ہے کہ داڑھیوں سے رغبت نہ صرف پریشان کن ہو سکتی ہے بلکہ یہ نامناسب جراثیم کی منتقلی کا کام بھی دیتی ہیں۔تو ایسے کیا شواہد ہیں جس سے ثابت ہوتا ہے کہ داڑھیوں کا صحت کو خطرہ لاحق ہو سکتا ہے؟ انگریزی زبان کا ایک لفظ ہے پوگونوفوبیا یعنی داڑھی سے ڈر لگنا۔ پوگونوفوبز کا یعنی جو داڑھیوں سے ڈرتے ہیں، ایک امریکی ہسپتال کی جانب سے کی جانے والی سائنسی تحقیق میں اس کے برعکس نتائج سامنے آئے ہیں۔

جرنل آف ہاسپٹل انفیکشن میں شائع ہونے والی اس تحقیق میں داڑھی اور بغیر داڑھی کے ہسپتال کے 408 عملے کے ارکان کے چہروں کو پونچھ کر نمونے حاصل کیے گئے۔ہم جانتے ہیں کہ ہسپتال سے انفیکشن کی منتقلی ہسپتالوں میںہونے والی اموات کی بڑی وجہ ہے۔ بہت سارے افراد ہسپتال جا کر ان بیماریوں کا شکار ہو جاتے ہیں جن میں وہ ہسپتال جانے سے پہلے مبتلا نہیں ہوتے۔ ہاتھ، سفید کوٹ، ٹائیاں اور ساز و سامان ہی اسکا سبب بن سکتا ہے، تو پھر داڑھیوں کے بارے میں کیا خیال ہے؟ڈارھی کے بغیر عملے کے چہروں پر داڑھی والے عملے کے چہروں کے مقابلے میں کچھ زیادہ غیرپسندیدہ عناصر تھے

محققین کے لیے یہ امر حیران کن تھا کہ ڈارھی کے بغیر عملے کے چہروں پر داڑھی والے عملے کے چہروں کے مقابلے میں مضر جراثیم کی تعداد زیادہ تھی۔اس مطالعے سے یہ واضح ہوا کہ داڑھی کے بغیر والے افراد پر میتھیسیلین ریزسٹنٹ سٹاف اوریوس (ایم آر ایس اے) نامی جراثیم داڑھی والوں کے مقابلے میں زیادہ تھے۔ایم آر ایس اے عام طور پر ہسپتال سے منتقل ہونے والے انفیکشنوں میں سے ایک ہے کیونکہ یہ بہت سارے اینٹی بایوٹکس کے مقابلے میں قوت مدافعت رکھتا ہے۔

محققین کے خیال میں شیو کرنے سے جلد پر خراشیں لگتی رہتی ہیں ’جس سے بیکٹریا کی نشوونما میں مدد ملتی ہے۔‘شاید اس کی وضاحت کچھ یوں کی جا سکتی ہے کہ داڑھیاں انفیکشن کے خلاف مزاحمت کرتی ہیں۔اپنے اس تجسس کو جانچنے کے لیے ہم نے کچھ افراد کے چہرے پونچھ کر یونیورسٹی کالج لندن کے مائیکروبیالوجسٹ ڈاکٹر ایڈم رابرٹس کو بھیجے۔ڈاکٹر ایڈم داڑھیوں میں ایک سو سے زائد قسم کے بیکٹریا دریافت کرنے میں کامیاب ہوگئے جن میں ایک وہ قسم بھی شامل تھی جو عام طور پر چھوٹی آنت میں پائی جاتی ہے۔لیکن وہ کہتے ہیں کہ اس کا مطلب یہ نہیں ہے کہ وہ انسانی فضلے سے آیا ہے۔

یہ ایک عام سی بات ہے اور پریشان کن امر نہیں۔اس سے زیادہ دلچسپ بات یہ ہے کہ داڑھی میں موجود بعض جراثیم دوسرے بیکٹریا کے دشمن نکلے۔ہم ان جراثیم کو اپنا دشمن سمجھتے ہیں لیکن وہ ہمیں ایسا نہیں سمجھتے۔ بیکٹیریا اور پھپوند کی سطح پر وہ ایک دوسرے کے خلاف محاذ آرا رہتے ہیں، وہ کھانے اور جگہ کے لیے ایک دوسرے کے خلاف سرگرم رہتے ہیں۔ اور اس کام کے دوران وہ اینٹی بایوٹک کی شکل اختیار کر لیتے ہیں۔کیا ہمارے پراسرار جراثیم بھی کچھ ایسا ہی کر رہے ہیں، یعنی مضر بیکٹریا کو کسی زہر کے ذریعے مار دیتے ہیں؟ڈاکٹر ایڈم کے مطابق ایسا ممکن ہے۔ڈاکٹر ایڈم کے خیال میں یہ سٹیفائلوکوکس نامی جرثومے ہیں۔

وہ کہتے ہیں کہ اینٹی بایوٹکس کی مزاحمت والے انفیکشن سالانہ سات لاکھ افراد کی موت کا سبب بنتے ہیں اور سنہ 2050 تک یہ تعداد ایک کروڑ تک پہنچ سکتی ہے۔ڈاکٹر ایڈم کے مطابق گذشتہ 30 سالوں میں کوئی نئی اینٹی بایوٹک تیار نہیں کی گئی۔محققین کے خیال میں شیو کرنے سے جلد پر خراش لگتی ہے جس سے بیکٹریا کی نشوونما میں مدد ملتی ہے۔داڑھی کے بغیر عملے کے چہروں پر داڑھی والوں کے مقابلے میں زیادہ ناپسندیدہ جراثیم پائے گئے۔

فالج سے بچانے میں مددگار بہترین غذائیں

فالج سے بچانے میں مددگار بہترین غذائیں
پیر‬‮ 3 دسمبر‬‮ 2018 | 10:22
بلڈ پریشر اور خون کی شریانوں کے مسائل، خون گاڑھا ہونا یا جمنا جان لیوا ثابت ہوتا ہے۔درحقیقت یہ مسائل ہارٹ اٹیک اور فالج جیسے جان لیوا امراض کا باعث بنتے ہیں جبکہ پھیپھڑوں اور دیگر جسمانی اعضاءکو نقصان پہنچ سکتا ہے۔فالج کی دو اقسام ہیں ایک میں خون کی رگیں بلاک ہوجانے کے نتیجے میں دماغ کو خون کی فراہمی میں

کمی ہوتی ہے، دوسری قسم ایسی ہوتی ہے جس میں کسی خون کی شریان سے دماغ میں خون خارج ہونے لگتا ہے۔ ان دونوں اقسام کے فالج کی علامات یکساں ہوتی ہیں اور ہر فرد

کے لیے ان سے واقفیت ضروری ہے۔تاہم چند غذاؤں کو اپنا کر آپ فالج جیسے جان لیوا مرض کے خطرے کو نمایاں حد تک کم کرسکتے ہیں۔مچھلیایک تحقیق کے مطابق جو لوگ ہفتے میں تین بار مچھلی کھانے کے عادی ہوتے ہیں، ان میں فالج کا خطرہ 6 سے 12 فیصد تک کم ہوجاتا ہے، مچھلی میں موجود اومیگا تھری فیٹی ایسڈز شریانوں کا ورم کم، دوران خون بہتر جبکہ خون جمنے کا خطرہ کم کرتے ہیں، زیادہ مچھلی کھانے کا مطلب یہ بھی ہے کہ آپ سرخ اور پراسیس گوشت کم کھارہے ہیں جو کہ شریانوں کو نقصان پہنچاتے ہیں۔

جو کا دلیہہارورڈ یونیورسٹی کی ایک تحقیق کے مطابق دلیے پر مشتمل غذا کولیسٹرول کی سطح کو کم رکھنے اور بلڈ شوگر لیول کو متوازن کرنے میں مددگار ثابت ہوتی ہے، کولیسٹرول کی مقدار زیادہ ہونا دماغ کی جانب جانے والی شریانوں میں ‘کچرا’ جمع ہونے کا باعث بنتا ہے، جس سے فالج کا خطرہ بڑھتا ہے۔ دلیہ میں جس قسم کا فائبر ایا جاتا ہے وہ کولیسٹرول کو صحت مند سطح میں رکھنے میں مدد دیتا ہے۔>شکرقندیشکرقندی میں موجود وٹامن سی اور بی سکس کے ساتھ پوٹاشیم ہائی بلڈ پریشر کا خطرہ کم کرتے ہیں اور جیسا اوپر درج کیا جاچکا ہے کہ بلڈپریشر فالج کا خطرہ بڑھانے میں اہم کردار ادا کرتا ہے۔

اسی طرح شکرقندی میں فائبر کی مقدار کافی زیادہ ہوتی ہے جو کہ کولیسٹرول کو کنٹرول کرنے میں مدد دیتی ہے۔یلےالاباما یونیورسٹی کی تحقیق میں بتایا گیا کہ پوٹاشیم سے بھرپور غذائیں خون کی شریانوں کو سکڑنے یا خون گاڑھا ہونے کے جان لیوا عمل سے تحفظ دینے میں مددگار ثابت ہوسکتی ہے۔ اس تحقیق میں بتایاگیا کہ پوٹاشیم ان جینز کو ریگولیٹ کرتا ہے جو کہ شریانوں کی لچک کی دیکھ بھال کرتے ہیں۔ محققین کا کہنا تھا کہ روزانہ صرف ایک کیلا کھانے کی عادت بھی فالج اور ہارٹ اٹیک سے بچا?

میں مددگار ثابت ہوسکتی ہے۔پالکپالک آئرن، فائبر، وٹامن اے اور سی سے بھرپور سبزی ہے، یہ پوٹاشیم کے حصول کے لیے بھی اچھا ذریعہ ہے جو کہ بلڈپریشر کی سطح کم کرنے میں انتہائی ضروری جز ہے جبکہ شریانوں کی صحت بھی بہتر بناتا ہے، جس سے فالج کا خطرہ نمایاں حد تک کم ہوتا ہے۔بادامپنسلوانیا اسٹیٹ یونیورسٹی کی ایک تحقیق میں بتایا گیا کہ روزانہ کچھ بادام کھانے سے صحت کے لیے نقصان دہ کولیسٹرول کی سطح میں کمی آتی ہے جس سے ہارٹ اٹیک اور فالج کا خطرہ کم ہوتا ہے۔

لہسنلہسن میں ایسے مالیکیولز موجود ہوتے ہیں جو کہ بلڈ کلاٹ کا باعث بننے والی وجوہات کا خطرہ کم کرکے فالج سے تحفظ فراہم کرتے ہیں، کچی لہسن بلڈ کلاٹ سے لڑنے کی زیادہ طاقت رکھتی ہے۔ روزانہ لہسن کے ایک یا دو ٹکڑے کھانا فالج سے بچانے میں مدد دیتا ہے۔ڈارک چاکلیٹچاکلیٹ میں موجود کوکا فلیونوئڈز اور اینٹی آکسائیڈنٹس سے بھرپور ہوتا ہے جو خون کی شریانوں کو ہونے والے نقصان سے لڑنے اور خون کے لوتھڑے بننے کی روک تھام کرتے ہیں

جو فالج کا باعث بن سکتے ہیں۔ سوئیڈن میں ہونے والی ایک تحقیق کے مطابق جو لوگ چاکلیٹ کھانے کے شوقین ہوتے ہیں ان میں فالج کا خطرہ 17 فیصد تک کم ہوجاتا ہے۔ چاکلیٹ نہیں پسند تو سبز اور سیاہ چائے، بلیو بیریز، اسٹرابری اور لہسن بھی فلیونوئڈز سے بھرپور ہوتے ہیں۔ٹماٹرلائیکوپین نامی اینٹی آکسائیڈنٹ ٹماٹر کو سرخ رنگ

دیتا ہے اور ایک حالیہ طبی تحقیق کے مطابق جن افراد کے خون میں لائیکوپین کی مقدار زیادہ ہو ان میں کسی بھی قسم کے فالج کا خطرہ 55 فیصد، ischemic stroke کا خطرہ 59 فیصد تک کم ہوتا ہے۔ اس اینٹی آکسائیڈنٹ کی زیادہ مقدار ٹماٹر میں ہی پائی جاتی ہے۔مالٹےاس پھل کو روزانہ کھانا یا اس کے جوس کا ایک گلاس پینا بھی فالج اور امراض قلب کی روک تھام میں مددگار ثابت ہوتا ہے۔ مالٹے وٹامن سے بھرپور پھل ہے جو کہ فالج کا خطرہ کم کرتا ہے خصوصاً اگر آپ تمباکو نوشی کے عادی ہیں۔ مالٹوں سے ہٹ کر یہ فائدہ اسٹرابری سے بھی حاصل کیا جاسکتا ہے

لفظ کشمیر کیسے وجود میں آیا ؟

لفظ کشمیر کیسے وجود میں آیا ؟
پیر‬‮ 3 دسمبر‬‮ 2018 | 10:10
ایک روایت کے مطابق لفظ کشمیر کاش اور میر کا مرکب ہے۔کہا جاتا ہے کہ کاش حضرت سلیمان علیہ السلام کے شاہی دربار میں جنات کا سردار تھا۔جبکہ میر پریوں کی سردار تھی۔جب حضرت سلیمان علیہ السلام کا بیڑا ہوا میں اڑتا ہوا خطہ کشمیر سے گزرا تو سلیمان السلام نے پانی کے ایک وسیع ذخیرے میں موجود پہاڑ کی خشک چوٹی پر

اس بیڑے کوترنے کا حکم دیا۔چنانچہ یہ بیڑا اترا تو آپ نے دیکھا.کہ آس پاس حدنظر تک پانی ٹھہرا ھوا ہے. یہ خوبصورت منظر دیکھتے ہی وہ عش عش کر اٹھے. انہوں نے

مصاحبوں سے مشورہ کیا. کہ اگراس جھیل کے پانی کو خارج کر دیا جائے ۔تو اس کی تہہ سے خوبصورت زرخیزوادی نمودار ہوگی. جس میں انسانی آبادی ممکن ہوگی. چنانچہ سوال پیدا ہوا کہ اس جھیل سے پانی کیسے خارج کیا جائے؟ جنوں کا سردار کاش جو اس میٹنگ میں موجودتھا. اس نے پیش کش کی کہ وہ یہ فریضہ سرانجام دے سکتا ہے.

لیکن اس نے یہ فرمائش کی کہ اگر وہ یہ خدمت سرانجام دے، تو شاہی دربار میں موجود میر پری اس کے عقد میں دے دی جائے. سلیمان السلام نے اس کی یہ فرمائش پوری کرنے کا وعدہ کیا. اور اسے حکم دیا. کہ وہ اس جھیل کو خالی کرے.چانچ? اس جن نے اپنے طلسماتی عمل سے بارہ کا پہاڑ کاٹ دیا. جس سے جھیل کا پانی خارج ہو گیا۔سلیمان السلام نے اپنا وعدہ پورا کرتے ہوئے میر پری اس کے عقد میں دے دی.

یوں کاش اور میر کی نسبت سے اس خطے کا نام کاشمیر رکھا گیا. جو صوتی تغیر سے کشمیر بن گیا. سری نگر کے عقب میں کوہ ہر مکھ کی چوٹی پر تخت سلیمان اس واقحہ سے منسوب ہے. چودھویں صدی عیسوی میں جب سید علی ہمدانی کشمیر تشریف لائے،تو انہوں نے شاید اسی تناظر میں کشمیر کو باغ سلیمان کا نام دیا. درجہ بالا تشریحات اور دوایات سے اس امر کا بخوبی اندازہ لگایا جاسکتا ہے. کہ خطہ کشمیر تاریخی تہذیبی اور ثقافتی اعتبار سے کتنی عظمت اور وسعت اپنے دامن میں سمیٹے ھوئے ہے۔

رزق اتنا ملے گا کہ ختم کرنا چاہیں گے بھی تو ختم نہیں ہوگا

رزق اتنا ملے گا کہ ختم کرنا چاہیں گے بھی تو ختم نہیں ہوگا
پیر‬‮ 3 دسمبر‬‮ 2018 | 9:04
ہر بندے کو رزق عطا کرنا اللہ نے اپنے ذمہ لے رکھا ہے ،یہ الگ بات ہے کہ بندہ سمجھتا ہے اس نے جو کمایا ،جو کمانے کی منصوبہ سازی کرتا ہے ،وہ اکسی اپنی کوششوں سے ممکن ہے حالانکہ اللہ کریم کا واضح وعدہ ہے کہ وہ رزق سے کسی کو محروم نہیں رکھتا ۔جو مسلمان ذکر اذکار کرتے ہیں ان کو دو رزق ملنے میں فراوانی ہوجاتی ہے

،ایکروحانی اور دوسرا مادی رزق ،ایک تعلق روح سے دوسرے کا دنیاوی امور اور ضرورتوں سے ہوتا ہے ۔ذکر و اذکار سے خالق دوجہاں کو راضی رکھنے

والے اگر اپنے معمولات کے دوران روزناہ درود تاج پڑھا کریں تو انہیں روح و جسم کے رزق وافر ملیں گے۔ درود تاج کے بے پناہ فیوض و برکات ہیں، روز اوّل سے یہ عاشقان رسول کریم ﷺ کا محبوب وظیفہ ہے

ہر دور کے عارفانہ حق اور اولیاءنے یہ درود پاک خود پڑھا اور اپنے ارادتمندوں کو بھی پڑھنے کی تلقین کی۔ اس درود کو پڑھنے والے صاحب کشف بھی بن جاتے ہیں۔ اگر کوئی روزانہ 100 مرتبہ پڑھے تو صاحب کشف ہونے کے ساتھ ساتھ قلب کی صفائی بھی نصیب ہوتی ہے ،سحر یا آسیب یا شیاطین کے تنگ کرنے کی صورت میں صرف 11 بار اس درود پاک کو روزانہ پڑھیں۔ اضافہ رزق کے لئے 7بار، دشمنوں اور حاسدوں ظالموں سے بچنے کے لئے روزانہ ایک بار پڑھنا ہی کافی ہے۔ اس درود پاک میں ہر بیماری پریشانی کا حل موجود ہے۔

جب ایک صحابی کا پاؤں آپ ﷺ کے پاؤں پر آ گیا تو آپ ﷺ نے اسے ’چھڑی‘ مار دی! پھر کیا ہوا؟ حیات طیبہﷺ کا ایسا سبق آموز واقعہ جو آپ کی بھی زندگی بدل کے رکھ دے گا

جب ایک صحابی کا پاؤں آپ ﷺ کے پاؤں پر آ گیا تو آپ ﷺ نے اسے ’چھڑی‘ مار دی! پھر کیا ہوا؟ حیات طیبہﷺ کا ایسا سبق آموز واقعہ جو آپ کی بھی زندگی بدل کے رکھ دے گا
جمعہ‬‮ 30 ‬‮نومبر‬‮ 2018 | 14:17
معروف مذہبی سکالر مولانا طارق جمیل نے ایک اجتماع سے خطاب کرتے ہوئے ایمان افروز واقعہ سنایا۔ مولانا طارق جمیل نے کہا کہ جب حنین کی جنگ میں شکست ہوئی تو صحابہ بھاگنے لگے، ایک صحابی کا پاؤں بھاگتے ہوئے آپ ﷺ کے پاؤں پر آ گیا۔ صحابی کے پاؤں میں جنگ میں پہننے والا سخت جوتا تھا۔

جو آپ ﷺ کے پاؤں پر پڑاتو آپ ﷺ نے صحابی کو ’چھڑی‘ مار دی اور صحابی سے کہا ’ارے! تم نے تو میرا پاؤں ہی مسل دیا‘ ۔ صحابہ اس وقت جان بچا کر بھاگ رہے تھے جب

اس صحابی کے کان میں آواز پڑی تو وہ کہنے لگے کہ بس اب میری خیر نہیں، اب کوئی نہ کوئی وحی میرے بارے میں آئے گی کہ میں نے اللہ کے نبی ﷺ کو دکھ پہنچایا اور ان کے پاؤں پر پاؤں مار دیا، صحابی ساری رات نہ سو سکے اور سوچتے رہے کہ صبح میرے بارے میں وحی آئے گی ۔ مولانا طارق جمیل نے بیان کرتے ہوئے کہا کہ صحابی بیان کرتے ہیں کہ صبح فجر کی نماز کے وقت اعلان ہو ا کہ جس کا پاؤں نبی ﷺ کے پاؤں پر پڑا تھا وہ دربار رسالت میں حاضر ہو ‘ صحابی نے کہا کہ

میری ہائے نکلی اور کہنے لگا وہی کام ہوا جس کا مجھے ڈر تھا ، ضرور نبی ﷺ کے پاس میرے بارے میں کوئی بڑا حکم آیا ہوا ہوگا۔ صحابی جب دربار رسالت ﷺ میں حاضر ہوئے تو آپ ﷺ نے صحابی کو دیکھ کر مسکرائے اورفرمایا کہ ’’میرے بھائی! کل میں نے آپ کو چھڑی ماری تھی‘ اس پر معافی مانگنے کیلئے آپ کو بلایا ہے۔ یہ 60 ساٹھ اونٹنیاں میری طرف سے تحفے میں قبول کریں ، امید ہے اب آپ مجھے معاف فرما دیں گے‘‘۔ مولانا طارق جمیل نے کہا کہ آپ ﷺ کی چھڑی صحابی کو اس جگہ لوہے کی ذرہ پر لگی جہاں تلوار اثر نہیں کرتی لیکن آپ ﷺ نے 60 اونٹیناں دیں اور معافی علیحدہ مانگی ‘ یہ آپ ﷺ کا حسن اخلاق، برداشت اور درگزر ہے۔ مولانا طارق جمیل نے کہا کہ میرے نبی ﷺ نے ہمیشہ معاف فرمانا اور درگزر کرنا نہیں بھولا۔

باہر والی

باہر والی
جمعہ‬‮ 30 ‬‮نومبر‬‮ 2018 | 14:12
زینب کی شادی کو آج سترہ سال پورے ہونے کو آئے تھے. مگر اکثر وہ یہ بات دہرایا کرتی اللہ کسی کو” باہر والی ‘ کا دکھ نہ دکھائے.اس کی بیٹیاں اکثر اس سے پوچھتی؛ اماں! یہ باہر والی کون ہوتی ہے ؟آج اس کی بیٹیاں اس کو زبردستی بٹها کر پوچھنے لگیں. زینب ہنس کر بولی بیٹا! باہر والی تمہاری ماں جیسی ہوتی ہے. بچیاں حیرانی سے

بولیں :”اماں ! زینب ہنس کر بولی :”بیٹا! تمہارے ابا کا رشتہ جب میرے ماں باپ نے قبول کیا تو وہ اسی بات کے داعی تھے کہ زات پات،

برادریاں، قبیلوں کی تقسیم صرف انسانوں کی پہچان کے لیے ہے ان کی تقسیم کے لئے نہیں.”مگر شادی کہ بعد مجھے میرے سسرال نے بتایا کہ میرا تعلق ان کی برادری سے نہیں .اس لئے میں “باہر والی ” ہوں. کتنے مزے کی بات ہے کہ آج سترہ سال بعد بھی میں باہر والی ہوں.کمرے میں خاموشی چھا گئی “باہر والی ” کے غم میں

’’پاکستان سب پر بازی لے گیا‘‘ اب صرف 45 منٹ میں کینسر کا علاج ممکن

’’پاکستان سب پر بازی لے گیا‘‘ اب صرف 45 منٹ میں کینسر کا علاج ممکن
جمعہ‬‮ 30 ‬‮نومبر‬‮ 2018 | 14:08
ویسے تو کراچی کے جناح پوسٹ گریجوئیٹ میڈیکل سینٹر(جے پی ایم سی) کا شمار ملک کے سب سے بڑے ہسپتالوں میں ہوتا ہے۔لیکن اب اس ہسپتال کے شعبہ ’ریڈیو لاجی‘ میں ’سائبر نائف‘ نامی ایک نیا شعبہ بھی قائم کیا گیا ہے،جو موضی مرض کینسر کے علاج کے لیے ایک انقلابی قدم ہے۔شعبہ سائبر نائف میں کینسر کے

مریضوں کا روبوٹ کے ذریعے صرف اورصرف 30 سے 45 منٹ میں آپریشن کیا جاتا ہے، وہ بھی مریض کے جسم کو قینچی یا دیگر آلات سے کاٹنے اور اس کے کپڑے تبدیل کیے بغیر۔جناح ہسپتال میں نجی فلاحی

تنظیم پیشنٹ ایڈ فاؤنڈیشن، سندھ حکومت ، پاکستان ایئر فورس (پی اے ایف) اور دیگر مخیر حضرات کی امداد سے 40 کروڑ روپے مالیت کا سائبر نائف روبوٹ سسٹم نصب کیا گیا ہے، جو تمام طرح کے کینسر کے مریضوں کی سرجری کرنے سمیت کینسر کی شناخت کا کام کرتا ہے۔

رپورٹ کے مطابق دنیا بھر میں سائبر نائف روبوٹ سسٹم کے 250 سے بھی کم سسٹم موجود ہیں، جن میں سے ایک جناح ہسپتال میں بھی نصب کیا گیا ہے۔ان جدید طبی روبوٹ کی مالیت کروڑوں روپے میں ہے، جب کہ امریکا جیسے ممالک میں ان کے ذریعے کینسر کے مریضوں کی سرجری 50 سے 90 ہزار ڈالر یعنی پاکستانی 50 لاکھ سے ایک کروڑ روپے کے لگ بھگ میں ہوتا ہے، لیکن پاکستان میں یہ علاج مفت ہو رہا ہے۔

ایک غزوے میں حضور اکرم ﷺ کا ہاتھ لگنے کے بعد 21 کھجوریں کتنے سو افراد نے کھا لیں؟

ایک غزوے میں حضور اکرم ﷺ کا ہاتھ لگنے کے بعد 21 کھجوریں کتنے سو افراد نے کھا لیں؟
جمعہ‬‮ 30 ‬‮نومبر‬‮ 2018 | 11:45
دلائل النبوۃ میں امام بیہقی رحمہ اللہ نے ایک روایت کو نقل کیا ہے ، جو سیدنا ابوھریرہ رضی اللہ تعالی عنہ سے مروی ہے کہ رسول اللہ صلی اللہ عیہ وسلم ایک غزوہ میں تھے، آپ صلی اللہ عیہ وسلم کو کھانے کی ضرورت محسوس ہوئی،تو پوچھا : اے ابو ھریرہ ! تمہارے پاس کھانے کو کچھ ہے ؟ میں نے جواب دیا : میرے پاس توشہ

دان میں کچھ کھجوریں موجود ہیں آپ صلی اللہ علیہ وسلم نے فرمایا: اس کو لاؤ میں توشہ دان لایا تو آپصلی اللہ عیہ وسلم نے فرمایا : چمڑے

کا فرش لاؤ میں نے چمڑے کا فرش بچھا دیا آپ صلی اللہ عیہ وسلم نے اس میں اپنا ہاتھ داخل کیا اور کھجوروں کواپنے ہاتھ میں لیا جن کی تعداد اکیس تھی، پھر آپ صلی اللہ عیہ وسلم ہر ایک کھجور زمین پر رکھتے رہے اور بسم اللہ پڑھتے رہے، یہاں تک کہ آخری کھجورپر بھی ایسے ہی بسم اللہ پڑھا اور کھجوروں کو جمع کر کے فرمایا : فلاں اور اس کے ساتھیوں کو بلاؤ انہوں نے آکر کھایا اور

آسودہ ہو کر نکل گئے پھر آپ صلی اللہ عیہ وسلم نے فرمایا : فلاں اور اس کے ساتھیوں کو بلاؤ وہ بھی آئے آسودہ ہو کھایا اور چلے گئے پھر آپ صلی اللہ علیہ وسلم نے فرمایا : فلاں اور اس کے ساتھیوں کو بلاؤ انہوں نے بھی آسودہ ہو کر کھایا اور چلے گئے پھر آپ صلی اللہ علیہ وسلم نے فرمایا : فلاں اور اس کے ساتھیوں کو بلاؤ )اس کے بعد بھی(کھجور بچ گئی پھر آپ صلی اللہ علیہ وسلم نے فرمایا : بیٹھ جاؤ ؛؛ میں بیٹھ گیا پھر ہم دونوں نے کھایا غرض سینکڑوں لوگ کھجوریں کھا گئے اور

ایک کھجور باقی رہ گئی تو میں نے اپنا توشہ دان رکھ لیا رسول اللہ صلی اللہ علیہ وسلم نے فرمایا: اے ابو ھریرہ جب کھانے کو دل کرے تو اپنا ہاتھ داخل کر کے )ضرورت کے مطابق ( لے لینا اور اسے مت پلٹنا ورنہ وہ تم پر پلٹ جائے گا سیدنا ابو ھریرہ رضی اللہ عنہ کہتے ہیں کہ جب بھی کھجور کھانےکا ارداہ کرتا تو اپنا ہاتھ توشہ دان میں داخل کرتا، میں نے اللہ کی راہ میںاس میں سے پچاس وسق کھجور دی وہ توشہ دان میرے کجاوے کے پیچھے لٹکا رہتا تھا لیکن جب سیدنا عثمان رضی اللہ کی شہادت ہوئی تو وہ توشہ دان کھو گیا۔